शहर कॉग्रेस तर्फे मनोहर कुलकर्णी (भिडे) चा तीव्र निषेध*

पिंपरी चिंचवड  शहर कॉग्रेस कमिटीचे शहराध्यक्ष डॉ. कैलास कदम यांच्या नेतृत्वाखाली

.पिंपरी (लोक हिताय न्युज) २९ जुलै २०२३ काँग्रेस पक्षाच्या वतीने पिंपरी चिंचवड शहरात जोडेमार आंदोलन .महाराष्ट्रातील अमरावती जिल्ह्यातील बडनेर गावामध्ये मनोहर कुलकर्णी (भिडे) याने राष्ट्रपिता महात्मा गांधी यांच्या कुटूंबाबद्दल अवमानकारक व वादग्रस्त वक्तव्य केल आहे. या वक्तव्याचा विरोधात पिंपरी चिंचवड  शहर कॉग्रेस कमिटीचे शहराध्यक्ष डॉ. कैलास कदम यांच्या नेतृत्वाखाली पिंपरी येथील भारतरत्न डॉ. बाबासाहेब आंबेडकर पुतळा चौकात तीव्र निषेध करत निदर्शने करण्यात आले. तसेच महाराष्ट्र सरकारने राष्ट्रपिता महात्मा गांधी यांच्या बद्दल अनुदगार काढणाऱ्या मनोहर कुलकर्णी (भिडे) ला त्वरित अटक करावी अशी मागणी करण्यात आली. 

यावेळी शहराध्यक्ष डॉ. कैलास कदम, मा. महापौर कविचंद भाट, ज्येष्ठ नेते मानव कांबळे, ज्येष्ठ नेत्या निगार बारस्कर, माजी नगरसेवक मारुती भापकर, विश्वास गजरमल, माजी शिक्षण मंडळ सभापती अभिमन्यू दहितुले, महिला अध्यक्षा सायली नढे, चिंचवड ब्लॉक अध्यक्ष ज्ञानेश्वर मलशेट्टी, भोसरी ब्लॉक अध्यक्ष विठ्ठल शिंदे, ग्राहक सेल अध्यक्ष झेविअर अंथोनी, रोजगार व स्वयंरोजगार अध्यक्ष विशाल सरवदे, कार्याध्यक्षा सुप्रिया पोहरे, मागासवर्गिय सेल अध्यक्ष विजय ओव्हाळ, कौशल्य व कला विकास विभागाचे अध्यक्ष रवि नांगरे, संदीपान झोंबाडे, छावा संघटनेचे धनाजी येळकर पाटील, संभाजी ब्रिगेडचे शहराध्यक्ष सतीश काळे, प्रवीण कदम, निर्मला खैरे, भारती घाग, सुनीता जाधव, सुवर्णा कदम, शितल सिकंदर, प्रा. किरण खाजेकर, बाबासाहेब बनसोडे, अर्जुन लांडगे, जुबेर खान, बाबा शेख, मेहबूब शेख, दहर मुजावर, पांडुरंग जगताप, तारीक रिजवी,  प्रदीप पवार, किरण नढे, सौरभ शिंदे, मिलिंद फडतरे, हरीश डोळस, जितेंद्र छाब्रा, सतीश भोसले, वसंत वारे, नितीन खोजेकर, गौतम ओव्हाळ आदिसह इतर पदाधिकारी व कार्यकर्ते उपस्थित होते.

मा. खासदार उपनेते *शिवाजीराव आढळराव पाटील यांनी रुपीनगर तळवडे येथील नागरिकांशी साधला संवाद.

.भोसरी (लोक हिताय न्युज) भोसरी विधानसभा शिवसेनेच्या वतीने आढावा बैठकीचे नियोजन करण्यात आले होते, मा. खासदार शिवाजीराव आढळराव पाटील पदाधिकाऱ्यांना मार्गदर्शन केले.

 लोकसभा निवडणुकीचे बिगुल वाजले असून त्याच धर्तीवर शिरूर लोकसभेत संघटन बांधणीचा जोर वाढला आहे, लोकसभेत बूथ प्रमुख, शिवदूत, शाखा प्रमुख, विभाग प्रमुख, तसेच पक्षाचे संघटन बांधणी यावर मा. आढळराव यांनी पदाधिकारी व कार्यकर्त्यांना मार्गदर्शन केले.  

 तसेच मा. आढळराव पाटील यांनी तळवडे रूपीनगर येथे जाऊन तेथील प्रभागातील समस्स्या विषयी तेथील नागरिकांशी संवाद साधला.

 यावेळी उपनेते / कामगार नेते इरफान सय्यद, जिल्हा प्रमुख भगवान पोखरकर,जिल्हा संघटक  अशोकशेठ भुजबळ उपजिल्हा प्रमुख संभाजी शिरसाठ, प्रकाश वाडेकर,भोसरी विधानसभा प्रमुख दत्तात्रय भालेराव, उपशहर प्रमुख बळीराम जाधव रामदास गाढवे, शहर प्रसिद्धी प्रमुख  सुनील पवार,महिला विधानसभा प्रमुख मनीषा परांडे, महिला समन्वयक गौरीताई शेलार, संघटक किशोर सवाई,विभाग प्रमुख  दिनकर जाधव, राहुल पिंगळे, दादा बांगर,युवा सेना जिल्हा समन्व्यक सागर पाचारणे, प्रदीप बालघरे आशिष गौड  युवासेना संघटक इ पदाधिकारी  व रुपीनगर  येथील नागरिक मोठया संख्येने उपस्थित होते

कौतुकास्पद; राष्ट्रवादी महिला कार्यकारिणीची इर्शाळवाडीतील कुटुंबांना मदत .

राष्ट्रवादी महिला काँग्रेसच्या शहराध्यक्ष प्रा. कविता आल्हाट यांचा पुढाकार

पिंपरी, (लोक हिताय न्युज ) दि .26 जुलै २०२३ रायगड जिल्ह्यातील खालापूर तालुक्यात  इर्शाळवाडी  येथे दरड कोसळून मोठी दुर्घटना झाली. या दुर्घटनेत  वित्त आणि जीवितहानी झाल्यानंतर पिंपरी चिंचवड शहर राष्ट्रवादी महिला काँग्रेसच्या कार्यकारिणीने संवेदनशीलता दाखवत इरशाळवाडीतील कुटुंबीयांना मदत केली. महत्त्वाचे म्हणजे राज्याचे उपमुख्यमंत्री अजित पवार यांच्या वाढदिवसाचा खर्च टाळून ही मदत केली आहे.

रायगड जिल्ह्यातील खालापूर तालुक्यात इर्शालगडाच्या पायथ्याशी असलेल्या इर्शाळवाडी  येथे दरड कोसळून मोठी दुर्घटना झाली.  या दुर्घटनेत अनेक जणांचा मृत्यू झाला. जीवित आणि वित्त हानी देखील मोठ्या प्रमाणात झाली. 

सामाजिक संवेदनशीलतेचे भान ठेवून आपदेत सापडलेल्या  कुटुंबांना राज्याचे उपमुख्यमंत्री अजित पवार यांनी  वाढदिवसाचे कुठेही कार्यक्रम न घेता दुर्घटनाग्रस्त इरशाळवाडी वासियांना मदत करण्याचे आवाहन केले होते. या आवाहनाला प्रतिसाद देत पिंपरी चिंचवड शहराध्यक्षा प्रा. कविता आल्हाट यांनी पुढाकार घेतला. तसेच वरीष्ठ कार्याध्यक्ष कविता खराडे, कार्याध्यक्ष उज्वला ढोरे, ज्योती गोफणे,  चिंचवड विधानसभा अध्यक्ष संगीता कोकणे,  भोसरी विधानसभा अध्यक्ष ज्योती तापकीर, पिंपरी विधानसभा  कार्याध्यक्ष  दिपाली देशमुख, मुख्य संघटिका मीरा कदम यांचे मोलाचे सहकार्य लाभले. 

याबाबत कविता आल्हाट म्हणाल्या यंदा ही नैसर्गिक आपदा आल्यामुळे राष्ट्रवादीच्या पिंपरी चिंचवड  शहर महिला कार्यकारिणीने 51 हजार रुपयांचा धनादेश मुख्यमंत्री सहाय्यता निधीमध्ये बुधवार (दि .26) मुंबई येथे जमा केला. 

यावेळी राज्याचे उपमुख्यमंत्री अजित पवार ,  कॅबिनेट मंत्री छगन भुजबळ, राष्ट्रवादीचे प्रदेशाध्यक्ष तथा खासदार सुनील तटकरे, महिला आयोग अध्यक्ष रूपाली चाकणकर , आमदार निलेश लंके आदी उपस्थित होते.

स्मार्ट सिटीच्या नावाखाली पिंपळे सौदागर भागातील रस्त्यांची दुरावस्था*

 सामाजिक कार्यकर्ते विशाल जाधव 

पिंपरी (लोक हिताय न्युज) दि . २६ जुलै २०२३

पिंपळे सौदागर पोलीस चौकी बाजूकडील महादेव मंदिराकडून पि.के. इंटरनॅशनल स्कूलकडे जाणाऱ्या रस्त्यावर मोठ्या प्रमाणावर खड्डे पडले आहेत, ह्या खड्ड्यात पावसाचे पाणी साठले आहे त्यामुळे खड्डयांचा अंदाज वाहनचालकांना येत नाही तसेच खड्डे चुकविण्याच्या नादात दररोज येथे छोटे मोठे अपघात होत आहेत.

गेल्या आठवड्यामध्ये कोणाला आयकॉन रोड पिंपळे सौदागर भागातील कैलास उशीर बाळासाहेब कुंजीर ग्राउंड लगत असलेल्या कन्स्ट्रक्शन साईट च्या बाजूचा रस्ता खचला होता तसेच अनेक ठिकाणी असे प्रकार भविष्यात घडतील. होणाऱ्या प्रकाराला फक्त प्रशासन जबाबदार असेल कारण प्रत्येक साईटचा परवाना हा पालिका जबाबदारी घेऊन देत असते. रस्ते, लाईट,

 पाणी, आरोग्य या सुविधा पुरवणे स्थानिक स्वराज्य संस्थेचे प्रथम कर्तव्य आहे. आणि ह्या कर्तव्यास कामचुकारपणा करणाऱ्या अधिकारी व कर्मचाऱ्यांना त्यांची जागा दाखवून देण्यासाठी येत्या काळात जन आंदोलन छेडण्याचा इशारा देत आहे.

स्मार्ट सिटी आहे कि खड्डे सिटी आहे ते तर स्पष्ट करा.

आयुक्त तथा प्रशासक श्री.शेखरसिंह म्हणतात कि शहरातील खड्डे तातडीने आम्ही बुजविण्यात येणार आहे, मग गेल्या आठवड्यापासून येथे तर कोणी स्थापत्य विभागाचा एकही अभियंता फिरकला नाही असे येथील नागरिक सांगतात.

तातडीने येथील खड्डे बुजवा अन्यथा ज्येष्ठ नागरिक व लहान मुलांना तरुणांना घेऊन आंदोलन करण्यात येईल असा इशारा सामाजिक कार्यकर्ते विशाल जाधव यांनी आयुक्तांना दिला आहे

अर्ज माघारी घेनाही तर तुझे तुकडे तुकडे करून फेकून देईल अशी धमकी नितिन धोत्रे यांनी दिली .

.पिंपरी (लोक हिताय न्युज)दि .२२ जुलै २०२३पिंपरी चौकात एका अवैध धंदा करणाऱ्या चालकाकडून जीव मारण्याची धमकी देण्यात आली ' गपचुप अर्ज माघारी घे नाही तर तुझे तुकडे तुकडे करून फेकून देईल.तुझ्या आई बापाला सुद्धा सापडणार नाही. तुझ्या अख्या कुटुंबाला घराबाहेर निघणे मुश्किल करीन .माझी बायको आणि तिची आईला ओळखतोना तू त्या दोघी तुझेवर विनयभंग बलात्कार सारखा गुन्हा दाखल करतील त्यामुळे अर्ज माघारी घे."

असे म्हणून नितीन धोत्रे (अण्णा ) हॉटेल मधून बाहेर पडला तसेच गाडीत बसण्या अगोदर त्याचे गाडीतील इस्मांना बघून म्हणाला की “आपल्याला इथे मर्डर करायचा आहे, १२ वर्षे मी धंदा करतोय पण माझी तक्रार करण्याची हिंमत कुणी केली नाही, याने केली हिंमत त्यामुळे ह्याची गेम करायची याने अर्ज माघारी घेतला नाही तर".नितीन धोत्रे व त्याचे टोळी कडून माझ्या व माझ्या कुटुंबाचे जीवितास धोका निर्माण झाल्याने आमचा कोणत्याही प्रकारे मृत्यू झाला, आमचा अपघात झाला व जीवितास काही

झाले तर याला जबाबदार नितीन धोत्रे व त्याची टोळी असेल, त्यांचेवर कार्यालयीन १० दिवसात कारवाई झाली नाही तर .नामदार देवेंद्र फडणवीस यांच्या मुंबई  सागर, बंगल्या समोर आमरण उपोषण करू असा इशारा  ज्ञानेश्वर सुरेश बोराटे यांनी दिला आहो .

शासनाच्या कामगारविरोधी धोरणाच्या निषेधार्थ तळेगाव ते मंत्रालय पायी धडक मोर्चा .

जनरल मोटर्स एम्प्लाईज युनियन संलग्न श्रमिक एकता महासंघाचे सल्लागार मारूती जगदाळे यांचा इशारा

पिंपरी, (लोक हिताय न्युज) दि. 24 - पुणे जिल्ह्यातील तळेगाव येथील जनरल मोटर्स ही एक नामांकित कंपनी असून, ती बंद करण्यात आली आहे. त्या ठिकाणी दुसरी कंपनी येणार आहे. हस्तांतरण प्रक्रिया पूर्ण झाल्यानंतर नव्या कंपनीने पूर्वीच्याच कामगारांना कामगार युनियनसोबत असलेल्या वेतनवाढ करारानुसार कामावर घ्यावे. तसे न झाल्यास हजारो कामगार व त्यांचे कुटुंबीय रस्त्यावर येतील. शासनाच्या कामगार भूमिकेमुळे असे प्रकार घडत आहेत. या प्रकाराच्या निषेधार्थ तळेगाव ते मुंबई मंत्रालय अशी कामगार व त्यांच्या कुटुंबियांचा पायी धडक मोर्चा काढण्यात येणार आहे, अशी माहिती जनरल मोटर्स एम्प्लाईज युनियन संलग्न श्रमिक एकता महासंघाचे सल्लागार मारूती जगदाळे यांनी पत्रकार परिषदेत दिली.

पत्रकार परिषदेला श्रमिक एकता महासंघाचे अध्यक्ष किशोर सोमंवशी, सरचिटणीस रोहित पवार, कार्याध्यक्ष विकास करपे, सॅण्डविक एशिया एम्प्लाईज युनियनचे अध्यक्ष संतोष कणसे, विश्व कल्याण कामगार संघटनेचे अध्यक्ष दिलीप पवार, मनोज पाटील, संघटनेचे पदाधिकारी व प्रतिनिधी या वेळी मोठ्या संख्येने उपस्थित होते.

उपमुख्यमंत्री देवेंद्र फडणवीस यांच्या ५३ व्या वाढदिवसानिमित्त तब्बल ५३ हजार झाडांचे वृक्षारोपण महाअभियान .

.भाजपा शहराध्यक्ष शंकर जगताप यांचा पुढाकार

- शहरात तब्बल ५३ हजार वृक्षारोपणाचा शुभारंभ

पिंपरी( लोक हिताय न्युज) दि २२ जुलै २०२३

राज्याचे उपमुख्यमंत्री देवेंद्र फडणवीस यांच्या वाढदिनी पिंपरी-चिंचवड भाजपातर्फे ‘वृक्षारोपण महाअभियान’ हाती घेण्यात आले आहे. त्या माध्यमातून परिसरात तब्बल ५३ हजार वृक्षांची लागवड करण्यात येणार आहे. यासाठी भाजपा शहराध्यक्ष शंकर जगताप यांनी पुढाकार घेतला आहे.महाराष्ट्र राज्याचे उपमुख्यमंत्री,  प्रगतशील विकासाचे शिल्पकार मा.  देवेंद्रजी फडणवीस साहेब यांच्या ५३ व्या वाढदिवसानिमित्त भारतीय जनता पार्टी, पिंपरी-चिंचवड शहर जिल्ह्याच्या वतीने ‘‘सेवाकार्याचे आयोजन करण्यात आले. पिंपळे निलख विशाल नगर येथे या अभियानाची सुरवात करण्यात आली.

याप्रसंगी आमदार उमाताई खापरे, माजी राज्यसभा खासदार अमर साबळे, प्रदेश कार्यकारिणी सदस्य भाजपा सदाशिवजी खाडे, मा.महापौर माई ढोरे, मा.सत्तारूढ पक्षनेते नामदेवजी ढाके, मा.नगरसेविका आरती चोंधे, भाजपा महिला मोर्चा अध्यक्षा उज्वला गावडे, भाजपा निमंत्रित सदस्य संतोष कलाटे, पिंपरी विधानसभा निवडणुक प्रमुख अमित गोरखे, सरचिटणीस भाजपा राजू दुर्गे, मंडल अध्यक्ष योगेश चिंचवडे,  भाजपा नेते सचिन साठे, भाजयुमो शहराध्यक्ष संकेत चोंधे, सामाजिक कार्यकर्ते गणेश कस्पटे, नितीन इंगवले, रणजीत कलाटे संजय दळवी, भुलेश्वर नांदगुडे पाटील, अनिल शेठ संचेती, मोहन शेठ कस्पटे, श्याम दंडे, काळुराम नांदगुडे, नागेश जाधव, बाळासाहेब इंगवले, सागर चौधरी, कछेश्वर साळुंखे, अरविंद शिरोडे, सुहास कस्पटे पिंपळवण ग्रुपचे चंद्रकांत ओवले, संदीप बोडके, विक्रम चाचकर, विनोद बोडके, गणेश गोमणे , स्वाती कुंभार, सोनाली पासलक,  शिवगंगा सरोटे, संदीप शेटे, प्रतापराव भोसले, रोहित अहिरे, बाळू कजबे तसेच भाजपा पदाधिकारी, शक्तिकेंद्र प्रमुख, बूथप्रमुख, कार्यकर्ते आणि पिंपळे निलख येथील विद्या निकेतन विद्यालयातील मुख्याध्यापक आनंद गर्जे सर व विद्यार्थी वर्ग उपस्थित होते.

शहराध्यक्ष शंकर जगताप म्हणाले की, शहर आणि परिसरात पर्यावरणाचे रक्षण, राष्ट्राचे संरक्षण या संकल्पनेतून  तब्बल ५३ हजार ऑक्सिजनपूरक वृक्षांची लागवड करण्याचे महाअभियान राबविण्यात आले आहे. तसेच, आधार कार्ड अपडेट सुविधा केंद्र अभियान, मोफत आरोग्य सेवा असे उपक्रम आयोजित केले आहे.