संपूर्ण देशभरातील दुकानदारांना दिलासा आज मध्यरात्रीपासून दुकानचालू राहतील,,,, गृहमंत्र्यांनी काढला आदेश

.लोक हिताय न्यूज... 

दिल्ली,lok hitay news  दि.२५. कोरोना’ला रोखण्यासाठी सध्या संपूर्ण देशात लॉकडाऊन सुरु आहे. मात्र लॉकडाऊनमुळे झालेली आर्थिक कोंडी फोडण्यासाठी केंद्र सरकारने आणखी एक मोठा निर्णय घेतला आहे. २० एप्रिलपासून ग्रीन आणि ऑरेंज झोनमधील नियम शिथिल करण्यात आले होते. त्यानंतर पुन्हा एकदा मोठा निर्णय घेण्यात आला आहे.

लॉकडाऊनमुळे मागच्या काही दिवसांपासून लॉकडाऊनमुळे दुकाने बंद होती. दुकानं उघडण्यासाठी सरकारनं परवानगी दिल्यामुळे देशभरातील लाखो दुकानदारांना मोठा दिलासा मिळाला आहे. देशभरातील दुकाने काही अटींवर उघडण्याची परवानगी केंद्राने दिली आहे.

शुक्रवारी रात्री उशिरा गृहमंत्रालयाने एक आदेश जारी केला आहे. त्यानुसार देशातील सर्व राज्ये आणि केंद्रशासित प्रदेशांमध्ये नोंदणीकृत असलेली सर्व दुकाने काही अटींवर सुरू करण्याची परवानगी देण्यात आली आहे. या आदेशानुसार राज्ये आणि केंद्रशासित प्रदेशांमध्ये दुकानं ही आजपासून सुरू करण्यात येणार आहे.

मात्र या दुकानांची सरकारकडे नोंदणी असणं आवश्यक आहे. हा नियम हॉटस्पॉट असणाऱ्या शहरांना आणि जिल्ह्यांना लागू होणार नाही. तिथे लॉकडाऊनचे नियम कठोरपणे पाळले जाणार आहे. तर मोठे शॉपिंग मॉल, कॉम्प्लेक्स उघडण्यावर स्थगिती कायम ठेवण्यात आली आहे.

दुकाने उघडण्याची सवलत देताना केंद्र सरकारने काही अटी घातल्या आहेत. दुकानात ५० टक्के कर्मचारीच काम करू शकतील. त्यांनी सोशल डिस्टन्सिंगचं काटेकोरपणे पालन करायचे आहे तसेच मास्क व हँड ग्लोव्हज वापरणे बंधनकारक असेल, असे या आदेशात नमूद करण्यात आले आहे